體態其實比減脂更重要！身材好氣質好的關鍵是體態好

諗起自己健身初期狂做cardio、飲食清淡+盡量少食嘢，雖然個人係輕咗瘦咗，但唔知點解瘦咗都仲係覺得唔好睇唔滿意，背厚腳粗咁，肚仔突突亦都無點改善。到而家我依然規律健身，飲食清淡，但就比之前食多咗，無肥咗不特止，身形反而仲好咗！點解會有呢個對比？其實好簡單，純碎因為我企得靚咗挺咗，身形自然好睇咗，而呢個就係體態的重要性！

健身可以改善體態嗎？

無錯～就算你身型如何體脂多少，只要你企得好，成個人氣場都唔同哂！加上我做教練，其實都會留意到好多唔同體態身型，老實講好多人都有盆骨前傾後傾嘅問題。而呢個問題並唔係天生的，而係因為唔識發力 / 懶 / 身體過緊而做成。所以我成日話俾學生知，健身除咗可以令你body composition唔同咗，更重要係可以教識你平時點發力企、行、維持良好姿勢！

點解有健身仲要做體態管理？身為健身教練，喺度都要講返聲，無一個人姿勢係絕對正確的，因為人類天生嘅設計就係郁黎郁去~不過如果壞姿勢嚴重到令關節卡住左、肌肉過緊，甚至有腰酸背痛嘅問題，就要開始正視了！雖然大部分嘅伸展運動都可以解決圓肩駝背等問題，但我哋都會推薦學生去做「體態管理」。例如復位、伸展治療、針灸等。一嚟定期放鬆肌肉好重要，有時膊頭太緊都會影響操嘢；二嚟有啲學生雖然鍛練背肌，效果都不太理想，其實就係因為長期駝背已經令身體變成習慣，大腦會『無意識中』一直keep住駝背姿勢。所以單單靠大腦有意識咁強化肌肉，已經唔會太work，需要透過復位全方面矯正，先可以改善纏身多年嘅駝背問題！

Inlife中醫正骨復位治療work唔work？

之所以選擇inlife，因為佢哋有專業嘅註冊中醫師，安全同埋可靠緊係第一！而且佢哋有規範收費，唔會hardsell，每次上去就唔使有負擔或者驚比人sell、心情放鬆都好重要！最重要係咩？係真係work呀!分享一下我嘅中醫正骨復位過程，點樣令我嘅體態更加好睇！

首先會由專業中醫幫我做骨骼檢查，搵出我有咩問題。原來我平時做gym因為發力不均，右邊習慣大力過左邊，令我有輕微高低膊，連帶骨盆都偏向右邊，總括嚟講就係成個身啲骨頭都有少少偏向咗右邊。

跟住落嚟中醫師就教我放鬆同埋配合呼吸，然後一輪啪啪啪！將我錯位嘅骨頭復位！講真係有感覺，但完全稱唔上係痛，仲覺得有啲酸爽添！原來醫師係用柔力去做復位，而唔係蠻力，所以做完感覺就好似按完摩咁，成個人好似鬆嗮咁～

所以！簡單啲講，平時唔好成日坐，be active一定要郁吓做吓“尖”（拿唔係sell呀）得閒去inlife做吓復位，就可以保證自己無體態問題/痛症，身材仲可以望落更加好啦！

網上預約